Сармураббии мунтахаби Тоҷикистон Усмон Тошев дар иншасти матбуотии пеш аз бозии мунтахабҳои Муғулистон ва Тоҷикистон, ки имрӯз дар варзишгоҳи Федератсияи футболи Муғулистон баргузор мешавад, фикру ақидаи хешро чунин баён кард.
- Пеш аз ҳама кули мардуми шарифи Тоҷикистонро бо ҷаши 28-умин солгарди Истиқлолияти давлатии ҷумҳурии Тоҷикистон табрик менамоям. Чуноне, ки ба ҳамагон маълум аст, имрӯз мо бар зидди Муғулистон бозии дуюми марҳилаи интихобии Ҷоми ҷаҳон-2022-ро доир мекунем. Мо ба ин бозӣ хеле ҷиддӣ омода шудаем. Моро дар Улан-Батор гарму самимӣ пешвоз гирифтанд. Ман мардуми муғулро хуб медонам ва футбол дар ин минтақа дар сатҳи олӣ аст. Мунтахаби Муғулистон ба монанди мо бозии марҳилаи интихобии Ҷоми ҷаҳон-2022-ро бо пирӯзӣ оғоз наму. Мо бозии рақибро пурра омӯхтаем. Мунтахаби Муғулистон хеле дастаи хуб аст. Имрӯз моро бозии шавқовар интизор аст. Мо ба Муғулистон барои се имтиёз омадаем.
