Дастаи мунтахаби Тоҷикистон қабл аз бозии дӯстона бо тими Русия дар ҳайати пурра ҷамъ омад.
Сармураббӣ Петр Сегрт дар ҳайати мунтахаби кишвар 27 бозигар дорад, ки 14 нафари онҳо легионер мебошанд. Дар тими миллӣ 3 дарвозабон, 8 ҳимоятгар, 11 нимҳимоятгар ва 5 ҳамлагар тамрин мекунанд.
Қобили зикр аст, ки бозии дӯстона миёни тимҳои миллии Тоҷикистону Русия рӯзи 17 ноябр дар Варзишгоҳи марказии Душанбе баргузор мешавад. Вохӯрӣ соати 20:00 оғоз мегардад.