Бо ташаббуси Бахши кор бо ҷавонон ва варзиши ноҳияи Ҷ. Балхӣ дар доираи “Барномаи рушди футбол дар ноҳияи Ҷ. Балхӣ барои солҳои 2017-2021” мусобиқаи футболи хурд байни кормандони ташкилоту муассисаҳо барои дарёфти “Ҷоми раиси ноҳияи Ҷ. Балхӣ”оғоз гардид. Мусобиқа дар доираи таҷлили 28-солагии Истиқлолияти давлатии Ҷумҳурии Тоҷикистон доир шуда, дар он 20 даста иштирок карда, онҳо барои дарёфти ҷом то санаи 6 сентябр миёни ҳам қувваозмоӣ менамоянд. Дар охир ғолибон бо ҷом, диплом ва медалҳои таъсиснамудаи кумитаи тадорукот сарфароз гардонида мешаванд.