Имрӯз, 22 апрел, дар дафтари Федератсияи футболи Тоҷикистон таҳти раёсати Тоҳир Нурзода ҷаласаи Кумитаи назоратию интизомӣ баргузор гардид. Дар ҷаласа қонуншиканиҳое, ки дар ҷараёни бозиҳои Лигаи футболи Тоҷикистон сар заданд, баррасӣ шуданд.
Coca-Сola-чемпионатиТоҷикистон-2022 байни дастаҳои Лигаи олӣ
– Барои вайрон кардани моддаи 7 банди 19 Кодекси интизомии ФФТ, истифодаи суханони таҳқиромез ё қабеҳ нисбати шахсони масъул дар бозии Coca-Cola-чемпионати Тоҷикистон-2022 байни дастаҳои «Хатлон» – «Эсхата» (17 апрел), бозигари тими «Хатлон» Муҳаммадҷон Насков аз ҳуқуқи иштирок дар 2 бозӣ маҳрум ва дар ҳаҷми 500 сомонӣ ҷарима карда шуд.
– Барои вайрон кардани моддаи 5, банди 13-и Кодекси интизомии ФФТ, барои риоя накардани шарту талаботи Низомномаи мусобиқа (суханҳои қабеҳи мухлисон нисбати шахсони расмӣ) пас аз анҷоми бозии Coca-Сola-чемпионати Тоҷикистон-2022 миёни дастаҳои «Регар-ТадАЗ» – «Равшан»-и Кӯлоб (16 апрел), ба тими «Равшан» (Кӯлоб) огоҳӣ дода шуд.
