Даври 5-уми марҳилаи гурӯҳии Лигаи Чемпионҳо дар мавсими 2021/2022 ба анҷом расид. Дар натиҷа, якбора 11 даста ба худ роҳхати плей-оффро кафолат доданд.
Ёдовар мешавем, ки қабл аз оғози даври 5-ум дастаҳои "Баварияи Мюнхен", "Ювентус", "Ливерпул" ва "Аякс" ба даври 1/8 ниҳоӣ баромада буданд.
Ҳамакнун "Манчестер Юнайтед", "Челси", "Интер", "Реал Мадрид", "Манчестер Сити", "ПСЖ" ва "Спортинг" ба даври навбатӣ роҳ ёфтанд.
Дастаҳои зерин ба Лигаи Аврупо пеш аз муҳлат баромаданд: "Зенит", "Шериф" ва "Боруссия Дортмунд". Барои баромадан ба мусобиқаҳои аврупоии имсола «Шахтёр», «Динамо»-и Киев, «Бешикташ» ва «Малмё» дигар имконият надоранд.
Даври ниҳоии марҳилаи гурӯҳии Лигаи қаҳрамонҳои УЕФА рӯзҳои 7-8 декабр баргузор мешавад. Плей-офф соли оянда оғоз мешавад. Бозии ниҳоии Лигаи қаҳрамонҳои УЕФА – 2022 28 майи соли 2022 дар варзишгоҳи “Газпром Арена”-и Санкт-Петербург дар назар аст.
