Ҳимоятгари собиқи “Барселона” - Дани Алвес орзу дорад, ки ба бошгоҳи каталония баргардад ва фаъолияти варзишии худро дар он ҷо ба анҷом расонад.
Ба гуфтаи рӯзноманигор Николо Шира, музокираҳо байни муҳофизатгари бразилии 38-сола ва “Барселона”  алакай оғоз шудааст, ҷонибҳо дар рӯзҳои наздик мулоқотро ба нақша гирифтаанд.
Ба иттилои манбаъ, сармураббии нави «Барселона» Хави ва президенти бошгоҳ Жоан Лапорта бозгашти Алвесро баррасӣ мекунанд, ӯ метавонад таҷрибаи худро ба бозигарони ҷавон омӯзонад.
Охирин бошгоҳи ин ҳимоятгар дастаи “Сан-Паулу” буд.