Бозии ниҳоии Ҷоми вилояти Хатлон-2021 бо иштироки ду дастаи Лигаи дуюм – “Сарҳадчӣ”-и Ҳамадонӣ ва “Арал”-и ноҳияи А. Ҷомӣ доир гардид.  Дидори дастаҳо дар варзишгоҳи "Пахтакор"-и шаҳри Бохтар баргузор гашт, ки бо ҳисоби 2:0 бар суди дастаи "Арал" ба анҷом расид. Бо ҳамин, дастаи "Арал" барандаи Ҷоми вилояти Хатлон-2021 гардид, ки бо Ҷом, Ифтихорнома ва медалҳои тилло қадрдонӣ гардиданд. Мавриди зикр аст, ки дар фарҷоми мусобиқа маросими ҷоизасупории Ҷоми вилояти Хатлон-2021 бо иштироки  роҳбарияти Федератсияи футболи вилояти Хатлон, намояндагони Раёсати кор бо ҷавонон ва варзиши вилояти Хатлон, собиқадорони футболи вилоят ва дигар шахсони расмӣ баргузор гардид.