Дар бозии тақдирсози Лигаи миллатҳо дастаҳои мунтахаби Испания ва Фаронса неру месанҷанд. Дирӯз дар бозии даври ½ финалии Лигаи миллатҳо қаҳрамони феълии ҷаҳон мунтахаби Фаронса бо шикаст додани Белгия (3:2) ба марҳилаи финалии ин чорабинӣ роҳ ёфт. Қаблан мунтахаби Испания бо мағлуб кардани Италия (2:1) ба ин марҳила баромада буд. Акнун дар бозии ҳалшаванда санаи 10-уми октябр мунтахабҳои миллии Испания ва Фаронса бозӣ мекунанд. Рақобати мазкур дар майдони «Сан-Сиро»-и шаҳри Милан доир мешавад.