"Бавария" дар даври 6 -уми чемпионати Олмон бар тими “Гройтер” (3:1) ғалаба кард. Ҳамлагар Роберт Левандовски 90 дақиқа дар майдон буд, аммо натавонист гол занад. Ҳамин тариқ, Левандовски ба силсилаи голзаниҳои худ нуқта гузошт. Футболбози лаҳистонӣ дар 19 бозии охир пайиҳам гол мезад. Бори охир Левандовски 11 феврали соли равон майдонро бе гол тарк карда буд.
Пас аз он, ӯ дар ҳар як бозии дастаи "Бавария" тӯли 7 моҳ ба задани гол даст меёфт.
