Дар доираи бозиҳои Ҷоми байналмиллалии қаҳрамонҳо “Реал Мадрид” бо “Арсенал” дидор анҷом дод. Вохӯрӣ дар варзишгоҳи “Федекс Филд” сурат гирифта, вақти асосӣ бо ҳисоби 2 бар 2 хатм гардид. Ляказетт ва Обамеянг голҳои “Арсенал”-ро ба самар расониданд, Бэйл ва Асенсио бошад голҳои “Реал Мадрид”-ро ба номашон сабт карданд.
Дар силсила зарбаҳои пеналти бошгоҳи “Реал Мадрид” бо ҳисоби 3 бар 2 пирӯз гардида, аввалин имтиёзашро дар муосбиқаи мазкур ба даст овард.