Ассотсиатсияи журналистони футбол (FWA), ҳимоятгари марказии  “Манчестер Сити”  Рубен Диас беҳтарин бозигари сол эълон шуд.
Бори охир бозигари хати дифоъ соли 1989 ин ҷоизаро ба даст оварда буд. Он  вақт футболбози “Ливерпул”  Стив Никол беҳтарин дониста шуда буд.
Дар овоздиҳӣ Рубен Диас аз бозингари  "Тоттенхэм" Гарри Кейн ва нимҳимоятгари "Манчестер Сити" Кевин Де Брюйне  пеш гузашт.
Португалии 24-сола моҳи сентябри соли гузашта аз “Бенфика” ба “Ман Сити” гузашта буд. Дар Премйер Лига ҳимоятгар 31 бозӣ гузаронида, 1 гол задааст.