Дар бозии даври 31-уми Премйер Лигаи Англия “Манчестер Сити” дар майдони худ “Лидс Юнайтед”ро қабул кард. Бозӣ дар варзишгоҳи “Иттиҳод” баргузор шуд ва бо пирӯзии меҳмонон бо ҳисоби 2:1 хотима ёфт. Дар дақиқаи 42-юми вохӯрӣ ҳисобро ҳимоятгари “Лидс Юнайтед” Стюарт Даллас кушод. Дар дақиқаи 76-ум ҳамлагари “Манчестер Сити” Ферран Торрес натиҷаро баробар кард. Дар охири вохӯрӣ Даллас дубл кард ва ғалабаи дастаашро дар муқобили тими пурқуввати чемпионат таъмин сохт.