Футболбози “Реал Мадрид” Иско ба Италия меравад. “Шоҳонагиҳо” намехоҳанд, ки дигар ҳамкориро бо ин футболбози 28 сола тамдид намоянд. Шартномаи Иско бо “Реал” тобистони соли 2022 ба анҷом мерасад. Роҳбарияти “Реал” нақша дорад, ки пас аз анҷоми мавсими ҷорӣ Искоро фурӯшад. Қаблан расонаҳо менавиштанд, ки “Севиля” мехоҳад Искоро бихарад. Вале ҳоло бошад, “Интер” хостори ин футболбоз шудааст. “Интер” омода аст, ки 20млн евро барои Иско пардохт кунад.