Сомонаи The Times хабар медиҳад, ки намояндаи ширкати Fenway Sports Group, ки соҳибмулки дастаи “Ливерпул” мебошад, эътимоди худро ба сармураббии даста Юрген Клопп нигоҳ медорад.
Бошгоҳи “Ливерпул” рӯзи 7 март дар рақобат бо дастаи “Фулҳэм” бо ҳисоби 0-1 шикаст хурд. Ҳамин тавр даста дар майдони худ шаш бозӣ пайиҳам дучори бохт мешавад, ки ин барои даста антирекорд мебошад. Бо вуҷуди ҳамаи ин нокомиҳо, соҳибони дастаи “Ливерпул” эътимоди худро ба мутахассиси олмонӣ нигоҳ медоранд. Дар ширкати Fenway Sports Group боварӣ доранд, ки ӯ метавонад бӯҳронро паси сар кунад ва “сурхҳо”-ро ба муваффақиятҳои нав расонад.
Ҳоло дастаи “Ливерпул” баъди 28 даври рақобатҳо бо касби 43 хол дар зинаи 8-ум қарор дорад.