Чемпионати Аврупо байни ҷавонони то 21 сола низ ба нуқтаи ниҳоӣ расид. Дар финал ду дастаи абарқудрати Аврупо Испания ва Олмон вориди майдони рақобат шуданд. Вохӯрии тимҳо дар варзишгоҳи «Дачия Арена»-и шаҳри Удинеи Италия баргузор шуда, бо ҳисоби 2:1 ба суди мунтахаби Испания хатм шуд. Ёдовар мешавем, ки дар финали Чемпионати Аврупо-2017 мунтахаби Олмон тими миллии Испанияро бо ҳисоби минималии 1:0 шикаст дода буд. Мунтахаби Испания бошад, интиқомашро аз Олмон ситонда, исмашро дар таърихи ин мусобиқа сабт намуд. Ёдовар мешавем, ки мусобиқаи мазкурро аз ҳама бештар мунтахаби ҷавонони то 21 солаи Испания (5 бор) соҳиб гардидааст.

Испания - Олмон - 2:1 (1:0)

Голҳо: Руис, 7 (1:0). Олмо, 69 (2:0). Амири, 88 (2:1).

Испания: Сивера, Х.Валехо, Нунес, Агиррегабирия, Фирпо, Себалос, Пабло Форналс (Майорал, 72), Оярсабал (Солер, 55), Рока, Руис (Мерино, 78), Олмо.

Олмон: Нюбел, Та, Клостерманн, Баумгартл, Хенрикс, Озтунали (Рихтер, 72), Дахуд, Амири, М.Эггештайн (Нмеча, 78), Сердар (Нойхаус, 61), Валдшмидт.