Дар толори варзишии "Бунёдкор" -и шаҳри Тошканд бозии дӯстона байни тимҳои миллии Ӯзбекистон ва Тоҷикистон оид ба футзал баргузор шуд. Вохӯрии мазкур бо пирӯзии мизбонон бо ҳисоби 4:2 хотима ёфт.
Як рӯз пеш аз ин, тимҳои миллии футзали Тоҷикистон ва Қирғизистон бозии дӯстона анҷом доданд, ки рақобат бо натиҷаи мусовии 1:1 анҷом ёфт.
Бозии дӯстона бо тимҳои миллии Қирғизистон ва Ӯзбакистон барои мунтахаби Тоҷикистон яке аз марҳилаҳои омодагӣ ба чемпионати 16-уми футзали Осиё мебошад, ки аз 23 март то 3 апрели соли оянда дар Кувайт баргузор мешавад. Дар чемпионати Осиё дастаи мо дар гурӯҳи "А" бозӣ мекунад, ки рақибонаш дастаҳои мунтахаби футзали Туркманистон, Ветнам ва Уммон маҳсуб меёбанд.