Дар шаҳри Реҷо-Эмилияи кишвари Италия бозии даври нимниҳоии Чемпионати Аврупо байни футболбозони то 21 сола байни тимҳои миллии Испания ва Фаронса баргузор шуд. Набарди тимҳо дар варзишгоҳи «Мапей — Читта-дел-Триколоре» доир шуда, бо ҳисоби калони 4:1 ба суди испаниҳо хотима ёфт. Ҳамин тавр мунтахаби ҷавонони то 21 солаи Испания дар финал бо тим миллии Олмон рақобат мекунад. Маврид ба ёдоварист, ки дар финали соли 2017 маҳз мунтахабҳои Испания ва Олмон рақобат намуда буданд, ки дар ин бозӣ олмониҳо бо ҳисоби минималии 1:0 шаҳди пирӯзӣ чашида буданд. Бозии финалӣ санаи 30-юми июн дар варзишгоҳи «Дачия Арена» дар назар аст.
Чемпионати Аврупо U 21
Даври 1/2 ниҳоӣ
Испания U 21 - Фаронса U 21 - 4:1 (2:1)
Голҳо: Матета, 16 пеналти (0:1). Рока, 28 (1:1). Оярсабал, 45+5 - пеналти (2:1). Олмо, 47 (3:1). Майорал, 67 (4:1).
Испания U21: Сивера, Х.Валехо, Нунес, Агиррегабирия, Фирпо, Себалос (Солер, 74), Пабло Форналс, Оярсабал (Майорал, 63), Рока, Руис (Мерино, 85), Олмо.
Фаронса U21: Бернардони, Упамекано, Балло-Туре, Конате, Дагба (Амиан, 22), Тузар (Дембеле, 58), Рейне-Аделаида, Ауар, Иконе, Гендузи, Матета (Тюрам, 71).
