Дарвозабони “ПСЖ” Ҷанлуиҷи Буффон ният дорад, ки дар кутоҳтарин фурсат ба “Ювентус” баргардад, хабар медиҳад хабарнигори итолёвӣ Фабрисио Романо.
“Буффон омодааст, ки ба “Ювентус” баргардад. Дар рӯзҳои наздик ӯ бо туриниҳо шартнома ба имзо мерасонад”, - хабар дод Романо.
Шартномаи ҳамкории Буффон бо “ПСЖ” санаи 30-юми июн ба анҷом мерасад. Мавсими гузашта, дарвозабони итолёвӣ 25 бозӣ гузаронида, қаҳрамони Фаронса шуд.