Бозии аввали дӯстонаи мунтахаби наврасони то 16 солаи Тоҷикистон бо наврасони Ӯзбекистон дар доираи марҳилаи омодагӣ ба Чемпионати Осиё-2021 доир гардид. Вохӯрии дастаҳо дар варҳишгоҳи “20 солагии Истиқлоляти Тоҷикистон” воқеъ дар шаҳри Хуҷанд ҷолибу диданӣ сурат гирифта, бо як голи соҳибони майдон хатм шуд. Ин голи пирӯзиоварро дар дақиқаи 38-ум футболбози навраси кишвар - Хусрав Тоҳиров ба самар расонид. Дар дақиқаҳои охири қисми дуюми бозӣ шогирдони Аҳлиддин Турдиев имкониятҳои зиёд барои афзун кардани ҳисоб доштанд. Аммо истифодаи ҳолатҳои хуби голзанӣ ба онҳо муяссар наградид. Баргузории бозии дуюми дӯстонаи мунтахабҳои наврасони 16 солаи Тоҷикистону Ӯзбекистон 24-уми сентябр дар назар аст.