Дуввумин футболбози нави “Манчестер Юнайтед” дар трансфери тобистона пас аз Даниэл Ҷеймс ҳимоятгари “Кристал Пэлас” Аарон Ван-Биссака хоҳад буд. Маҳз дар хусуси гузариши ҳамин футболбоз ба Олд Траффорд сару садоҳои зиёд буда, ба қавли расонаҳои хабарӣ ҷонибҳо баҳри гузариши Ван-Биссака аллакай ба тавофуқ расидаанд.
Чӣ тавре Goal.com хабар медиҳад, дар ҳамин ҳафта Аарон аз ҳайати футбобозони мунтахаби то 21-солаи Англия баргашта, пеш аз имзои қарордод бо “девҳои сурх” аз муоинаи тиббӣ мегузарад.
Пештар маълум шуда буд,ки “Манчестер Юнайтед” ва “Кристал Пэлас” дар мавриди гузариши Аарон Ван-Биссака дар ҳаҷми 55 миллион фунт стерлинг ба тавофуқ расидаанд. Дар мавсими сипаришуда Ван-Биссака дар ҳайати бошгоҳӣ 39 маротиб ба майдон омада,дар ҳисоби хеш чор партофти головар дорад. Аарон даспарвари бошгоҳи “Кристал Пэлас” буда, қарордоди ӯ бо ин бошгоҳ то тобистони соли 2022 дар назар дошта шудааст.