«Арсенал» бар дастаи «Ливерпул» ғолиб омада, соҳиби Суперҷоми Англия дар соли 2020 гардид. Бозӣ дар варзишгоҳи  «Уэмбли»-и шаҳри Лондон баргузор шуда, вақти асосии вохӯрӣ бо натиҷаи мусовӣ 1:1 хатм шуд. Дар дақиқаи 13-уми бозӣ Пйер-Эмерик Обамеянг ҳисобро боз кард.  Дар дақиқаи 73-юми рақобат Такуми Минамино таносубро баробар сохт. 
Дар иҷрои силсила зарбаҳои 11 метра шогирдони Артета (5:4) муваффақ шуданд. «Арсенал» бори 16-ум аст, ки ҷоизаи мазкурро ба даст меорад. 
Шогирдони Клопп соли гузашта низ дар ин мусобиқа аз «Манчестер Сити»  мағлуб шуда буданд.  «Ливерпул» бори охир Суперҷоми  Англияро соли 2006 ба даст овардааст.