Сомонаи расмии Федератсия футболи Тоҷикистон хабар медиҳад, ки Конфедератсияи футболи Осиё ба чунин қарор омад, ки дар соли ҷорӣ бозиҳои марҳилаи интихобии Чемпионати ҷаҳон-2022, Чемпионатҳои Осиё миёни футболбозони то 16 ва 19 сола, Лигаи Чемпионҳо ва Ҷоми КФО баргузор накунад. Манбаъ меафзояд, ки КФО бар асари бемории дунёгири Ковид-19 мусобиқаҳои зикршударо ба соли оянда гузаронид. Ҳамчунин бозиҳои марҳилаи гурӯҳии Ҷоми КФО-2020, ки бошгоҳоии “Истиқлол” ва “Хуҷанд” онҷо ҳунарнамоӣ доштанд, имсол доир намегардад.