Иттиҳоди футболи Россия ба хулосае омад, ки мавсим дар Чемпионати Россия идома мекунад. Дар мавриди баргузории Премйер-Лигаи Россия Иттиҳоди футболи ин кишвар дар саҳифаи расмии худ хабар дод. Бозгашти футболро ба рӯзи 21-уми июн вогузор карданд.  Ёдовар мешавем, ки қаблан моҳи март бинобар сабаби хуруҷи пандемияи коронавирус Премйер-Лигаи Россия ба мавқуф гузошта шуда буд.
Баъд аз даври 22-юм мақоми аввалро дар ҷадвали умумии Премйер-Лигаи Россия дастаи «Зенит» бо касби 50 имтиёз ишғол мекунад. Ба сегонаи беҳтаринҳо «Локомотив» ва «Краснодар» шомиланд. Дастаҳои "Ростов" ва “ССКА” низ барои дарёфти роҳхати мусобиқоти аврупоӣ талош доранд.