Бозии марказии даври 3-юми Лигаи олӣ байни дастаҳои “Истиқлол”-и Душанбе ва “Хатлон”-и Бохтар баргузор шуд. Набарди ин ду дастаи ватании мо аз бозии топ дастаҳои ҷаҳонӣ фарқияте надошт. Дастаи “Хатлон” дар ин бозӣ аз қаҳрамони феълии кишвар дида, бозии зебову муҷалло нишон дод. Бозии мазкурро тариқи шабакаҳои телевизионӣ ва шабакаҳои иҷтимоӣ қариб, ки бештари мурдуми сайёра тамошо намуданд.
Баъди ин вохӯрӣ, ки бо натиҷаи мусовии 2:2 хотима ёфт, сомонаи машҳури испании AS бо навиштаҷоти "Tayikistán ya tiene a su Leicester" (Тоҷикистон аллакай Лестери худро дорад) футболи моро тарғиб намуд. Дар маҷаллаи мазкур навишта шудааст, ки дар ин вохӯрӣ “Хатлон” арзандаи пирӯзӣ буд, аммо бо иштибоҳи довар онҳо бозиро мусовӣ намуданд.