Ниммуҳофизатгари «Барселона» - Серхио Бускетс ва Артуро Видал дар бозии ҷавобии даври 1/8 ниҳоии Лигаи Чемпионҳо бар муқобили «Наполи» дар «Камп Ноу» ҳуқуқи ба майдон баромаданро надоранд.
Бускетс дар дақиқаи 49-уми бозӣ корти зард гирифт. Ин сеюмин корти ӯ дар мусобиқа маҳсуб меёбад, ки ба ҳамин хотир дар як бозӣ маҳрум карда шуд. Видал бошад, дар дақиқаи 89-уми дидор ду корти зард гирифта, майдонбадар шуд.
Ҳамчунин муҳофизатгари марказии «Барселона» - Жерар Пикеро дар охири рақобат буғуми пояш лат бардоштааст. Ба майдон баромадани ӯ на танҳо дар дидори дуюм, балки «эл класико» низ зери суол мемонад.