Имрӯз дар доираи бозиҳои марҳилаи плей-оффи Ҷоми КФО дастаи “Хуҷанд”- и шаҳри Хуҷанд бо тими “Нефтчӣ”-и Қирғизистон бозии якуми худро барпо мекунад. Қабл аз бозӣ намояндагони ҳарду даста дар нишасти хабарӣ ширкат намуда, ба суолҳои хабарнигорон ҷавоб гуфтанд.
– “Мо омодагиро барои ширкат дар марҳилаи интихобии мусобиқа моҳи декабр шуруъ намудем. Дар ин муддат ду ҷамъомади тамриниро дар Тоҷикистон ва Ӯзбекистон баргузор кардем. Боду ҳаво ва боридани барф ба ҳолати майдон таъсир мерасонад, вале мо кӯшиш дорем, ба ин аҳамият надода, дар ҳама ҳолат хуб бозӣ кунем “- иброз дошт, сармураббии дастаи “Хуҷанд” - Никола Лазаревич.
