Ҳамлавари «Барселона» - Луис Суарес баъд аз ҷарроҳии зонӯяш дар марҳилаи барқароршавӣ қарор дорад. Футболбози 33 сола бе кӯмаки асо роҳ мегардад. Роҳбарияти клуби каталонӣ умед доранд, ки то анҷоми мавсим ӯ ба майдон бармегардад.

Худи Суарес бошад, нақша дорад, ки дар охирҳои моҳи апрел дар бозиҳои даври нимниҳоии  Лигаи Чемпионҳо дастаашро кӯмак намояд. 

Луис миёнаи моҳи январ ҷарроҳӣ карда шуд. Ба иттилои табибон муҳлати табобати ӯ на камтар аз 4 моҳро дарбар мегирад.