Низоъ миёни Месси ва "Барселона" идома дорад. Байни футболози аргентинӣ ва роҳбарияти клуби каталонӣ муноқишаи сахт ба миён омадааст. То ҳаде, ки имкони рафтани Месси аз даста бештар мешавад. La Gazzetta dello Sport хабар додааст, ки аз ин ҳолат истифода бурда, як зумра тимҳои маъруфи аврупоӣ:  "Манчестер Юнайтед", "ПСЖ", "Интер", "Манчестер Сити" ва "Ювентус" мақсад доранд, ки бозигарро ба ҳайати худ ҷалб созанд. Аз миёни ин тимҳо "Интер" ва "Ман Сити" воқеан ҳам ҷиддӣ барои қарордод бастан бо Месси омодагӣ мебинанд. "Сити" аллакай ишор кардааст, ки дар сурати розӣ шудан, имкон дорад, ки ба Месси дар як мавсим  50 млн фунт маош диҳад.