Ҳамлагари “Реал Мадрид” - Гарет Бейл қабл аз анҷоми бозӣ бо “Реал Сосйедад” варзишгоҳи Сантяго Бернабеуро тарк намудааст. Ҳангоме, ки ҳисоб 1 бар 4 ба суди меҳмонон буд, Бейл то охир интизор нашуда, ҷониби манзили худ ҳаракат намуд. Тибқи иттилои AS, футболбози 30-соларо сармураббии даста - Зинедин Зидан ба рақобат шомил накард ва ӯ дар дақиқаи 82-юми вохӯрӣ варзишгоҳи Сантяго Бернабеуро тарк гуфт. Футболбози мазкур дар мавсими равон маротибаи 5-ум аст, ки то охири рақобат дастаашро мунтазир намешавад. Ҳамзамон футболбоз бо ин амали хеш оинномаи клубро низ ба таври расмӣ вайрон намекунад. Зеро тибқи қоида, бозигарони бошгоҳи «шоҳона» метавонанд пас аз дақиқаи 80-ум аз варзишгоҳ баромада раванд. Мухлисон амали Гарет Бейлро кори ношоиста меноманд. Дар сурате, ки ҳамдастагонат рӯ ба нокомӣ доранд, бояд то ба охир дар канорашон бошию онҳоро ҷонибдорӣ кунӣ, гуфтаанд мухлисон.