Дар доираи омодагӣ ба бозии даври плей-оффи Ҷоми КФО-2020 дастаи “Хуҷанд”, ки тамринҳои дастаҷамъии хешро дар шаҳри Тошканд анҷом медиҳад, бо бошгоҳи “Локоматив”-и Ӯзбекистон бозии санҷишӣ анҷом дод. Дидори мазкур бо пирӯзии дастаи “Локоматив” бо ҳисоби 3 бар 0 пушти сар шуд. Рақиби бошгоҳи “Хуҷанд” дар даври плей-офф ҷуфти дастаи “Нефтчи”-и Қирғизистон ва “Аҳал”-и Туркманистон мебошад, ки қарор аст 5 ва 12-уми феврал дар Қирғизистон ва Туркманистон баргузор гардад. Дастаи Хӯҷанд дидори аввали хешро 19-уми феврал дар сафар ва бозии ҷавобиро бошад, 26-уми феврал дар майдони худ анҷом медиҳад. Агар “Хуҷанд” рақобатҳои мазкурро бо пирӯзӣ анҷом диҳад, пас ҳуқуқи иштирок дар бозиҳои гурӯҳии Ҷоми КФО пайдо хоҳад кард.