Дар бозии даври 24-уми ПЛА дастаи “МЮ” бо тими “Бёрнли” бозӣ кард. Дидори дастаҳо дар варзишгоҳи “Олд Траффорд” сурат гирифта, бо ғалабаи меҳмонон ба анҷом расид. Ҳисоби бозии дастаҳои “МЮ” ва “Бёрнли”-ро нахуст ҳамлагари меҳмонон - Крис Вуд бо голи 10-уми худ дар мавсими кунунӣ боз намуд. Ҳарчанд Уле-Гуннар Сулшер дар нимаи дуввум мехост бо иваз намудани футболбозон рафти бозиро дигар намояд, аммо бори дуввум ҳам маҳз футболбозони “Бёрнли” муваффақ шуданд. Дар дақиқаи 56-уми майдондорӣ Ҷей Родригес бо зарбаи қавияш дарвозаи Де Хеаро рахна сохта, ҳисобро 2 бар 0 намуд. Бозӣ то дақиқаҳои 80-ум бо ҳамин ҳисоб идома ёфт. Мухлисони сершумори МЮ бо нишони эътироз анҷоми бозиро интизор нашуда, “Олд Траффордро” тарк намуданд.