Дар бозии дуюми даври сеюми Ҷоми Англия «Манчестер Юнайтед» дар хонааш бар тими «Вулверхэмптон» (1:0) ғолиб омада, ба даври навбатии ин мусобиқот роҳ ёфт. Ягона голи пирӯзиоваро Хуан Мата дар пайти дуюми бозӣ ба самар расонид. Бозии аввали ин дастаҳо бо ҳисоби мусовии (0:0) ба анҷом расида буд.  Ин аввалин ғалабаи девҳои сурх бар дастаи «Вулверхэмптон» сар аз соли 2012 маҳсуб мешавад. Дар навбати худ гургҳо “МЮ”-ро дар «Олд Траффорд» давоми 11 вохӯрӣ шикаст дода наметавонанд.  
Дар даври 23-юми Премйер лиги Англия «Ливерпул» ва «Манчестер Юнайтед» ба ҳам меоянд. Ин бозӣ рӯзи 19 –уми январ дар «Энфилд» сурат мегирад.