“Бавария” бо дарвозабони тими “Шалке”- Александер Нюбел қарордод бастанист. Нюбелро соли оянда шарномааш бо “Шалке” ба анҷом мерасад ва дарвозабони 23 сола, ҳавасмандии тамдиди қарордод бо дастаи кунуниашро надорад. Мюнхениҳо бо ӯ ба муҳлати 5 сол пешниҳоди ҳамкорӣ додаанд. Гуфта мешавад, ки бо вуҷуди ҷалби дарвозабони ҷадид дар “Бавария” Мануэл Нойер рақами як боқӣ мемонад ва баъди он, ки қаҳрамони ҷаҳон ба корномаи худ хотима мебахшад, баъдан ба Нюбел умед баста мешавад.