Ҳамлагари 20 солаи дастаи “ПСЖ” Килиан Мбаппе дар рақобат бо тими “Нант” голзанӣ намуда, дар феҳристи беҳтарин нишонзанҳои бошгоҳи парижӣ ба зинаи 10-ум баромад. Қаҳрамони ҷаҳон дар соли 2018 бо пироҳани тими “ПСЖ” 71-умин  голи хешро  ба самар расонд. Дар миёни футболбозони то 20 сола нишондоди Мбаппе дар таърихи дастаи мазкур бесобиқа унвон мешавад. Ёдовар мешавем, ки беҳтарин нишонзани “ПСЖ” ҳамлагари 32 солаи уругваӣ - Эдинсон Кавани бо 195 гол маҳсуб мешавад.