Дастаи Ливерпул зери роҳбарии Юрген Клопп 100-умин ғалабаи худро дар Премйер Лигаи Англия ба даст овард.  Дар даври 15-уми мусобиқоти мазкур «Ливерпул» дар «Энфилд» бо ҳисоби 5 бар 2 “Эвертон”-ро сарнагун сохт. Ин пирӯзӣ барои мутахассиси олмонӣ 100-умин дар симати сармураббии бошгоҳи «Ливерпул» маҳсуб меёбад. Барои мутахассиси 52 сола 159 бозӣ лозим шуд, то 100-умин муваффақияти хешро соҳиб шавад. Нишондоди  Клопп дуюмин дар Чемпионати Англия маҳсуб мешавад. Дар мақоми аввал Жозе Моуриню қарор дорад.  Мутахассиси португалӣ 100 ғалабаро дар 142 дидор соҳиб шудааст.