Дастаи "Локомотив-Помир" дар бозии мавқуфгузоштаи даври 23-юми Лигаи якум бар тими "Душанбе-83" ғалаба намуд. Бозӣ дар Варзишгоҳи марказии шаҳри Ҳисор сурат гирифта, бо ҳисоби 3-0 ба фоидаи шогирдони Зайниддин Раҳимов хатм шуд. Голҳоро Эмомалии Аҳмадхон, Исроил Холов ва Шарифбек Раҳматов ба самар расониданд.
Пас аз ин ғалабаи худ "Локомотив-Помир" бо касби 55 имтиёз ба зинаи дуюм баромад. Барои "Локомотив-Помир" зарур аст, ки дар ду дидори боқимондааш бо "Баркҷӣ" ва "Шоҳмансур" ғалаба кунад то ин ки қаҳрамони Лигаи якум бигардад.