Дар нишасти матбуотии пас аз бозӣ сармураббии бошгоҳи футболи “Ливерпул” Андони Ираола сабабҳои бохтии сафарии тимаш аз “Фенербахче” (2-3) дар Истанбулро дар даври чоруми Лигаи Чемпионҳоро муфассал баррасӣ кард.
Лигаи Чемпионҳо. Марҳилаи умумӣ. Даври чорум
Чоршанбе, 4 ноябри соли 2026. 22:45 ДШБ
“Фенербахче” (Истанбул, Туркия) 3:2 “Ливерпул” (Ливерпул, Англия)
0:1 Нйони – 25' 1:1 Гринвуд – 29' 1:2 Исак – 69' 2:2 Браун – 73' 3:2 Мурикӣ – 79'
"Сабаби асосии бохти имрӯзаи тимро дар он мебинам, ки мо се голро аз ҳолатҳои стандартӣ сар додем. Дар чунин ҳолатҳо мо дар бозиҳои лигаи Англия хеле хуб будем ва то имшаб кори хуберо дар идоракунӣ анҷом додем.
Хуб медонистем, ки ҳолатҳои стандартӣ яке аз силоҳҳои пурқувваттарини “Фенербахче” мебошанд. Дар ниҳоят, мо аз зарбаи озод, кунҷӣ ва ҳатто аз партофти тӯб дар охири бозӣ аз гол сар додем. Ин голҳои сардодашуда ба мо хеле зарар расонданд, зеро дар давоми бозӣ ду маротиба пешсаф будем, суръати бозиро назорат кардем ва имкониятҳои худро дар ҳамла пайдо мекардем. Аммо, мо баъдан дар ҳолатҳое гол сар додем, ки бояд хеле боэътимодтар дифоъ мекардем.
Ноумедии бузурге ҳис мекунам, зеро бозӣ дар ин варзишгоҳ барои ҳар як рақиб душвор аст. Дар аксари қисматҳои бозӣ мо итминон доштем, ки метавонем пирӯзиро таъмин кунем, аммо ин тавр нашуд. Голҳои аввал ва сеюме, ки мо сар додем, махсусан ноумедкунанда буданд: вақти иҷрои зарбаи озод мо дифоъи худро нодуруст ҷойгир кардем ва барои голи ҳалкунанда Ведат Мурики дар ҳамлаи ҳавоӣ аз се ҳимоятгари мо бартарӣ дошт. Бояд дар чунин ҳолатҳо беҳтар бозӣ кунем", - иқтибос овардааст BBC аз суханони Ираола.
