Тими мунтахаби Тоҷикистон дирӯз, 13-уми ноябр тамрини ниҳии хешро пеш аз бозии даври 5-уми марҳилаи интихобии Ҷоми ҷаҳон-2022 бар зидди яккачини Мянма баргузор кард. Дар тамрини яксоата ҳайати пурраи мунтахаби кишвар сарҷамъ омада, ба тамринҳо машғул шуданд. Ёдовар мешавем, ки бозии даври 5-уми марҳилаи гурӯҳии Ҷоми ҷаҳон-2022 байни мунтахабҳои Мянма ва Тоҷикистон дар гурӯҳи “Ғ” имрӯз соати 15:30 бо вақти Душанбе баргузор мешавад. Инчунин мухлисон ва ҳаводорон имкон доранд, ки бозии мазкурро тавассути шабакаи ТВ “Варзиш” мустақиман тамошо намоянд.