Охирин бозии марҳилаи 1/4 ниҳоии Ҷоми Ҷаҳон миёни футболбозони навраси 17 сола бо ширкати дастаҳои Италия ва Бразилия анҷом ёфт. Дар ин вохӯрӣ футболбозони Бразилия бо ҳисоби 2:0 ҳамтоёни итолявии худро мувоҷеҳи шикаст карданд. Дар дақиқаи 6-ум Патрик ҳисобро боз карда, Жоао Пеглов панҷ дақиқаи пеш аз танаффус тӯби дуюмро ба самар расонид. Акнун Бразилия дар даври нимниҳоӣ бо Фаронса рӯ ба рӯ мешавад. Ҷуфти дигари ин марҳиларо дастаҳои Mексика ва Голландия ташкил мекунанд. Бозиҳо рӯзи 14-уми ноябр доир мешавад.