ФИФА шарҳ дод, ки чаро мӯҳлати амаликунии муҷозоти  ҳамлагари тими миллии ИМА Фоларин Балогунро боздошт ва ин ҳам пеш аз бозӣ бо Белгия дар даври 1/8 финалии Ҷоми ҷаҳон -  2026 сурат гирифт.
Ҷоми ҷаҳонии 2026 – Даври 1/8 финалӣ
7 июли соли 2026, сешанбе. 05:00 ДШБ
ИМА 1:4 Белгия
0:1 Де Кетелааре – 9' 1:1 Тиллман – 31' 1:2 Де Кетелааре – 33' 1:3 Ванакен – 57' 1:4 Лукаку – 90+3'
"Моддаи 66.4 Кодекси интизомӣ мегӯяд: "Ронда шудан аз бозӣ ба таври худкор боиси маҳрум шудан аз рақобат дар бозии оянда мегардад." Муқаррароти монанд дар моддаи 10.5-и Низомномаи Ҷоми Ҷаҳон - 2026 низ мавҷуд аст: "Агар бозингар ё шахси мансабдори даста дар натиҷаи корти сурхи мустақим ё корти зарди дуюм аз майдон хориҷ карда шавад, онҳо ба таври худкор аз бозии ояндаи дастаи худ маҳрум карда мешаванд." Ғайр аз ин,  нисбаташ метавонанд ҷазоҳои иловагӣ татбиқ карда шаванд.
Мувофиқи моддаи 27 Кодекси интизомии ФИФА Кумита тасмим гирифт, ки маҳрумкунии худкорро ба мӯҳлати яксоларо боздорад. Ин қарор бо назардошти ҳамаи шароити мушаххаси ҳодиса ва далелҳои мавҷуда қабул карда шуд.
Тибқи моддаи 27-и Кодекси интизомӣ Кумита ҳақ дорад ҳама гуна ҷазоҳои интизомиро боздорад, агар онҳо ба тағйир додани бозӣ алоқаманд набошанд, ки албатта дар ин ҳолат чунин набуд. Бояд илова кард, ки татбиқи моддаи 27 бесобиқа нест: қарорҳои монанд аллакай дар даврҳои интихобии Ҷоми ҷаҳон - 2026 қабул шуда буданд», - гуфта мешавад дар изҳороти ФИФА.
Хушдор медиҳем, ки Кумитаи интизомии ФИФА қаблан  мӯҳлати муҷозоти Балогунро барои корти сурх гирифтанаш аз бозии даври 1/16 ниҳоии Ҷоми ҷаҳон – 2026 зидди Босния ва Ҳерсеговина (2-0) бинобар қоидавайронкуии дағали муқобили Тарик Муҳаремович боздошта буд ва президенти ИМА Доналд Трамп аз ин созмон барои ин қарор изҳори сипос кард.