Тими миллии Тоҷикистон омодагиро ба нахустин бозии худ таҳти роҳбарии сармураббии нав Игор Ангеловский идома медиҳад.
Аввалин бозии дӯстонаи тими миллӣ муқобили мунтахаби Ҳиндустон рӯзи 5 июн дар варзишгоҳи «ТАЛКО-Арена»-и шаҳри Турсунзода баргузор мешавад. Оғози вохӯрӣ соати 20:00 аст.
Ин нахустин бозии Игор Ангеловский дар мақоми сармураббии тими миллии Тоҷикистон хоҳад буд ва марҳилаи муҳими омодагии даста ба қисми ниҳоии Ҷоми Осиё-2027 ба ҳисоб меравад.