Финалисима-2026 байни тимҳои миллии Испания ва Аргентина моҳи марти соли 2026 баргузор мешавад. Инро Рафаэл Лузан - президенти Федератсияи футболи шоҳигарии Испания (RFEF) эълон кард.
"Ин орзу, ки Финалисима номида мешавад, моҳи март амалӣ мешавад. Мо ба ҳалли масъала бо УЕФА наздикем ва интизори тасдиқи расмӣ ҳастем", - овардааст El Chiringuito дар шабакаҳои иҷтимоии X аз суханони Лузан.
Қаблан хабар дода шуда буд, ки Финалисима-2026 санаи 27-уми март дар Қатар, дар варзишгоҳи Лусаил Айконик  баргузор мешавад. Дар ин бозӣ Испания ва Аргентина ширкат мекунанд. Испания қаҳрамони кунунии Аврупо аст, дар ҳоле ки Аргентина Ҷоми Амрикоро дорад.
Қаблан ҳамлагари Аргентина Лионел Месси эълон карда буд, ки дар ин бозӣ ширкат намекунад.