Бозии марказии даври 10-уми ПЛА ин рақобати дастаҳои “Ливерпул” ва “Тоттенхэм Хотспур” ба шумор мерафт. Нерусанҷии тимҳо дар варзишгоҳи сермухлиси “Энфилд”-и шаҳри Ливерпул баргузор шуда, бо ҳисоби 2:1 ба суди “сурхпӯшҳо” хотима ёфт. Ҳанӯз дар дақиқаи 1-уми майдондорӣ ҳамлавари моҳиру мумтози меҳмонон Ҳарри Кейн ҳисобро боз кард. Ҳамин тавр қисмати аввали бозӣ бо ҳисоби 1:0 ба суди “Тоттенхэм” хотима ёфт. Дар дақиқаи 52-юми бозӣ Ҷордан Хендерсон ҳисобро баробар кард. Дар ин майдондорӣ нуқтаи ниҳоиро ҳамлавари мисрии мизбонон Муҳаммад Салоҳ аз зарбаи ҷаримавии 11 метра ба самар расонида, пирӯзии навбатии “Ливепрул”-ро таъмин сохт. Баъди ин муваффақият “Ливерпул” бо касби 28 хол садрнишини ягонаи ҷадвали ПЛА гардид. Ин пирӯзӣ як қадами дигар “Ливерпул”-ро ба сӯи орзуҳои деринааш бурд.
Чемпионати Англии. Премйер-лига
Даври 10-ум
«Ливерпул» — «Тоттенхэм Хотспур» — 2:1 (0:1)
Голҳо: Кейн, 1 (0:1). Хендерсон, 52 (1:1). Салоҳ, 75 —пеналти (2:1).
«Ливерпул»: Алиссон, Александр-Арнолд, ван Дейк, Ловрен, Робертсон, Хендерсон, Фабиню, Вайналдум (Милнер, 77), Салоҳ (Гомес, 85), Роберту Фирмину (Ориги, 90+3), Мане.
«Тоттенхэм»: Гассанига, Орйе (Лукас Моура, 84), Алдервейрелд, Санчес, Роуз, Сон Хин Мин, Сиссоко, Уинкс (Ндомбеле, 63), Эриксен (Ло Челсо, 88), Алли, Кейн.