Дастаи футболи "Хуҷанд" баъди пирӯзӣ дар бозии мавқуфмондаи даври 13-уми Лигаи Олӣ бар "Истаравшан" ду давр пеш аз анҷоми чемпионати имсолаи кишвар мақоми дуюмро расман муҳр зад. Футболбозони дастаи "Хуҷанд" дар ин рақобат бо ҳисоби 3:1 дар дербии Суғд дастболо шуданд. Голҳоро Ҷаҳонгир Эргашев (48 аз пен), Дилшод Бозоров (50) ва Фирдавс Чакалов (66) ба самар расониданд. Як голи "Истаравшан" ба Бахтовар Зокиров таалуқ дорад.