Мавқеи Тоҷикистон дар рейтинг ё раддабандии нави Федератсияи байналмилалии футбол, ки имрӯз, 24-уми октябри соли 2019 дар сомонаи расмии ФИФА нашр шудааст, як зина поён рафта, дар байни 211 кишвар бо 1168 имтиёз дар ҷойгоҳи 116-ум қарор гирифтааст. Тоҷикистон дар байни дастаҳои мунтахаби миллии Осиё, ки ба КФО (Конфедератсиони футболи Осиё) шомиланд, мақоми 22-юмро соҳиб шудааст. Дар Осиё Эрон дар мақоми аввал (дар ҷаҳон бо 1505 имтиёз дар зинаи 27-ум) қарор дорад. Феҳрасти ФИФА аз соли 1993 ба ин сӯ тартиб дода шудааст. Натиҷаи беҳтарини мунтахаби Тоҷикистон дар тамоми таърихаш дар раддабандии ФИФА ҷойи 106-ум дар моҳи июни соли 2013 ва натиҷаи бадтаринаш ҷойи 180-ум дар соли 2003-юм мебошад. Феҳрасти ояндаи ФИФА 24-уми ноябр нашр хоҳад шуд.
Раддабандии ФИФА:
1. Белгия (1755 имтиёз)
2. Фаронса (1726)
3. Бразилия (1715)
4. Англия (1651)
5. Уругвай (1642)
6. Португалия (1632)
7. Хорватия (1631)
8. Испания (1625)
9. Аргентина (1617)
10. Колумбия (1615)
…
116. Тоҷикистон – 1168