Дар бозии даври сеюми марҳилаи гурӯҳии Лигаи Чемпионҳо дастаи русии “Локомотив” ба меҳмонии “Ювентус” ба шаҳри Турин сафар кард. Нерусанҷии ин ду бошгоҳ дар майдони «Алянс» баргузор шуда, бо ҳисоби 2:1 ба суди мизбонон хатм шуд. Ҳисоби дидорро ҳанӯз дар дақиқаи 30-юм Алексей Миранчуки русӣ ба самар расонид. Футболбозони туринӣ нагузоштанд, ки русҳо аз Турин бо имтиёз раванд, ҳамлавари аргентинитабори “Ювентус” Пауло Дибала дар ду дақиқа дарвозаи “Локомотив”-ро ду бор рахна намуда, пирӯзии тимашро таъмин намуд. Дар даври чорум “Ювентус” ба меҳмонии «Локомотив» ба Москва сафар мекунад.
Гурӯҳи D
«Ювентус» (Италия) — «Локомотив» (Россия) — 2:1 (0:1)
Голҳо: Миранчук, 30 (0:1). Дибала, 77 (1:1). Дибала, 79 (2:1).
«Ювентус» (Италия): Шенсни, Куадрадо, де Лигт, Бонуччи, Сандру, Пянич, Хедира (Игуаин, 48), Матюиди (Рабйо, 65), Дибала (Бернардески, 82), Бентанкур, Криштиану Роналду.
«Локомотив» (Россия): Гилерме, Игнатев, Чорлука, Хеведес, Идову, Жоау Мариу, Мурило, Баринов, Криховяк (Коломейтсев, 83), Миранчук, Эдер.
