Ситораҳои футболи Русия барои ширкат дар бозии дӯстона бо тими ситораҳои Тоҷикистон, ки рӯзи 22 май дар Варзишгоҳи марказии ҷумҳуриявӣ баргузор мешавад, вориди Душанбе шуданд. Бозӣ ба муносибати Рӯзи ҷаҳонии футбол, ки 25 май таҷлил мегардад, баргузор мешавад.
Дар ҳайати дастаи Русия собиқ футболбозони маъруф ба мисли Ринат Дасаев, Егор Титов, Дмитрий Аленичев, Валерий Шмаров, Сергей Киряков ва Элдор Низомутдинов шомиланд.
Бозӣ соати 18:00 оғоз шуда, вуруд ба варзишгоҳ ройгон аст. Ин вохӯрӣ ҷашни воқеии футбол хоҳад буд.