“Реал”-и Мадрид аз бошгоҳи “Борнмут” дифоъгари марказии 20-сола Дин Хейсенро харидорӣ мекунад. Дар ин бора нашрияи Marca хабар медиҳад.
Ба иттилои манбаъ, қарордод аллакай баста шудааст ва тими мадридӣ ба “Борнмут” арзиши гузариш бар ивази 50 миллион фунт (59,3 миллион евро) дар се қисм пардохт мекунанд: 10% ин маблағ ба “Ювентус”, 5% ба “Малага” меравад. Қайд карда мешавад, ки «Реал Мадрид» дар мубориза барои Хейсен бар «Челси» ва «Ливерпул»-и Лондон ғалаба кард.
Қаблан хабар дода шуда буд, ки футболбози 20-сола ният дорад ба “Реал Мадрид” гузарад ва пешниҳодҳои дастаҳои дигарро рад мекунад.
Мавсими ҷорӣ Ҳейсен 34 бозӣ дар тамоми мусобиқаҳо гузаронида, ба задани 3 гол ва ирсоли як ассист муваффақ шудааст. Шартномаи кории футболбоз бо бошгоҳ то тобистони соли 2030 мӯҳлат дорад. Тибқи маълумоте, ки дар сомонаи Transfermarkt пешниҳод шудааст, арзиши бозории Хейсен 42 миллион евроро ташкил медиҳад.